OS MAYSTROS D'O CESMA

Ahiere podiemos asistir en 
l'auditorio d'o CSMA t'un conzierto memorable. Se'n tractaba d'a presentazión
artistica d'os nuebos profesors d'o conserbatorio qui integran  o  Quartet
Kantor. Estan Michel Colom, Anton Viñuales, bigulins, Adam Newman, bigüela e Ferrando
Arias, bigulinzelo, chobens profesors d'un brillant present i aspranzador futur.

L'atrautibo  programa que mos
oferiban yera integrato por dos quartets clasicos de J. Haydn e WA Mozart, un
de romantico de F.  Mendelsohn e una opra
ta quartet de G. Ligeti, intelichentment esposaus n'embolique cronolochico.

Prenzipioron a sesión  interpretando
con platera prezisión o cuartet KV 428 en o mi bemol mallor de  Mozart. Ista opra ye ro terzer d'el qual
Amadeus ba a dedicar ta Haydn, an estacoron l'empleigo de disonanzias n’ o segundo mobiment
e ra interpretazión d'o tercer , amalgamato por o pedal d’o baixo’. 

Continoron perfeutament compenetratos e lideratos n’a opra Metamorfosis
nouturna d'o chigant d'o s XX, George Ligeti. Opra microtonal qu'esliega
tuttis de ritmos eferbeszents sobre ra base tonal a interpretazión emoszionó a ros presents por o suyo birtuosismo e compromiso con a estetica contemporania, e ba rancar os primers brabos de l'ebento.

Dimpués d'o escanso os tanyedors abordoron o quartet op. 33 1 d'o
considerau pai d'o clasicismo e d'o propio quartet de sirga, Joseph Haydn; a
obra puet fegurar o canon d'o quartet clasico i estió interpretata  con a pureza esichita per dito modelo.

O prodichio d'interpretazión d'o marabilloso quarteto  en fa mayor op. 80  de Félix Mendesohn ese chustificau per si
mesmo l'asistencia ta lo conzierto. T'os presents que esen esfrutau
d'interpretazions d'o mesmo por formazions lechendarias (Julliard,Tokio,Amadeus,Borodin,Prazak, Jerusalem...Qts)  no'n  esen
chitau de menos ni ra intensidat, ni o birtuosismo ni a propia politeza d'aqueras  pus os Kantor fazioron afloriar as emozions d'a chent, qui enferborecita ,bitorió con chusticia a ros chobens mosicaires. Un tutti de brabos d'o publico ta ells.

Un perfeuto comizipio t'o ziclo · Los mayestros d'o CSMA · que torna con
nuebos oraches e remera intes marabeillosos d'a man d'os anyoratos profesors N.
Chumachenco, U. Armas, A. Polo, Quarteto Casals, E. Bagaría etc.  de fa una lustrata.